Gwasanaethau


Dydd Sul 22 Mehefin - Trindod I
10.30am Y Foreol Weddi ar gân a Phregeth ac Ysgol Sul
6.00pm  Y Cymun Bendigaid

Dydd Mercher 25 Mehefin
10.30am  Y Cymun Bendigaid

Dydd Sul 29 Mehefin - Gŵyl St Pedr
10.30am  Y Cymun Bendigaid ar gân
(Bydd y Parchedig Athro Lloyd Llewellyn-Jones
yn gweinyddu'r Cymun am y tro cyntaf).
Y Parchedig Lindsey Ford fydd yn pregethu.
6.00pm  Yr Hwyrol Weddi a Phregeth

Dydd Mercher 2 Gorffennaf
10.30am  Y Cymun Bendigaid

Dydd Sul 6 Gorffennaf - Trindod III
8.00am  Y Cymun Bendigaid
10.30am  Y Cymun Bendigaid ar gân ac Ysgol Sul
6.00pm  Yr Hwyrol Weddi a Phregeth

Dydd Mercher 9 Gorffennaf
10.30am  Y Cymun Bendigaid

Dydd Sul 13 Gorffennaf - Trindod IV
10.30am  Y Cymun Bendigaid ar gân
6.00pm  Yr Hwyrol Weddi a Phregeth

Dydd Mercher 16 Gorffennaf
10.30am Y Cymun Bendigaid

Dydd Sul 20 Gorffennaf - Trindod V
8.00am  Y Cymun Bendigaid
10.30am Y Cymun Bendigaid ar gân ac Ysgol Sul
6.00pm  Yr Hwyrol Weddi a Phregeth

Dydd Mercher 23 Gorffennaf
10.30am  Y Cymun Bendigaid

Dydd Sul 27 Gorffennaf - Trindod VI
10.30am  Y Foreol Weddi ar gân a Phregeth
6.00pm  Y Cymun Bendigaid

Dydd Mercher 30 Gorffennaf
10.30am  Y Cymun Bendigaid

Trindod I

​​​

Luc 8. 26-39
 
Daethant i'r lan i wlad y Geraseniaid, sydd gyferbyn â Galilea. Pan laniodd ef, daeth i'w gyfarfod ddyn o'r dref â chythreuliaid ynddo. Ers amser maith nid oedd wedi gwisgo dilledyn, ac nid mewn tŷ yr oedd yn byw ond ymhlith y beddau. Pan welodd ef Iesu, rhoes floedd a syrthio o'i flaen, gan weiddi â llais uchel, "Beth sydd a fynni di â mi, Iesu Fab y Duw Goruchaf? Yr wyf yn erfyn arnat, paid â'm poenydio." Oherwydd yr oedd ef wedi gorchymyn i'r ysbryd aflan fynd allan o'r dyn. Aml i dro yr oedd yr ysbryd wedi cydio ynddo, ac er ei rwymo â chadwynau a llyffetheiriau a'i warchod, byddai'n dryllio'r rhwymau, a'r cythraul yn ei yrru i'r unigeddau. Yna gofynnodd Iesu iddo, "Beth yw dy enw?" "Lleng," meddai yntau, oherwydd yr oedd llawer o gythreuliaid wedi mynd i mewn iddo. Dechreusant ymbil ar Iesu i beidio â gorchymyn iddynt fynd ymaith i'r dyfnder.
Yr oedd yno genfaint fawr o foch yn pori ar y mynydd. Ymbiliodd y cythreuliaid arno i ganiatáu iddynt fynd i mewn i'r moch; ac fe ganiataodd iddynt. Aeth y cythreuliaid allan o'r dyn ac i mewn i'r moch, a rhuthrodd y genfaint dros y dibyn i'r llyn a boddi.
Pan welodd bugeiliaid y moch beth oedd wedi digwydd fe ffoesant, gan adrodd yr hanes yn y dref ac yn y wlad. Daeth pobl allan i weld beth oedd wedi digwydd. Daethant at Iesu, a chael y dyn yr oedd y cythreuliaid wedi mynd allan ohono yn eistedd wrth draed Iesu, â'i ddillad amdano ac yn ei iawn bwyll; a daeth arnynt ofn. Adroddwyd yr hanes wrthynt gan y rhai oedd wedi gweld sut yr iachawyd y dyn oedd wedi bod ym meddiant cythreuliaid. Yna gofynnodd holl boblogaeth gwlad y Geraseniaid iddo fynd ymaith oddi wrthynt, am fod ofn mawr wedi cydio ynddynt; ac aeth ef i mewn i'r cwch i ddychwelyd. Yr oedd y dyn yr oedd y cythreuliaid wedi mynd allan ohono yn erfyn am gael bod gydag ef; ond anfonodd Iesu ef yn ei ôl, gan ddweud, "Dychwel adref, ac adrodd gymaint y mae Duw wedi ei wneud drosot." Ac aeth ef ymaith trwy'r holl dref gan gyhoeddi gymaint yr oedd Iesu wedi ei wneud drosto.

O Dduw, nerth pawb sy’n
ymddiried ynot,
derbyn yn drugarog ein gweddïau
a chan na allwn, gan wendid ein natur farwol,
wneud dim da hebot ti,
caniatâ inni gymorth dy ras,
fel wrth gadw dy orchmynion
y bo i ni dy foddhau ar ewyllys a gweithred;
trwy Iesu Grist dy Fab ein Harglwydd,
sy’n fyw ac yn teyrnasu gyda thi,
yn undod yr Ysbryd Glân,
yn un Duw, yn awr ac am byth.  Amen. 

Iesu mwyn a thirion,
Frenin mawr y nef,
O Iachawdwr graslon,
Gwrando ar ein llef. 

Maddau ein pechodau,
Dryllia'n rhwymau ni,
Nertha ni i rodio
Yn dy lwybrau di. 

Gwna ni oll yn rhyddion 
Trwy dy gariad cu;
Dwg ni, sanctaidd Iesu,
I'th drigfannau fry. 

Bydd i ni'n Arweinydd
I'r goleuni clir,
Trwy dywyllwch daear -
Ti yw'r Ffordd yn wir. 

Iesu mwyn a thirion,
Frenin mawr y nef,
O Iachawdwr graslon,
Gwrando ar ein llef. 
Cyf. Hymnau Hen a Newydd