Gwasanaethau 2026 

Dydd Sul 9 Awst
Trindod X
10.30am  Y Cymun Bendigaid ar gân
6.00pm  Yr Hwyrol Weddi a Phregeth 

Dydd Mercher 12 Awst 
10.30am  Y Cymun Bendigaid

 Dydd Sul 16 Awst 
Trindod XI
8.00am  Y Cymun Bendigaid
10.30am  Y Cymun Bendigaid ar gân
6.00pm  Yr Hwyrol Weddi a Phregeth 

Dydd Mercher 19 Awst
10.30am  Y Cymun Bendigaid

Dydd Sul 23 Awst
Trindod XII
10.30am  Y Cymun Bendigaid ar gân
6.00pm  Yr Hwyrol Weddi a Phregeth

Dydd Mercher 26 Awst
10.30am  Y Cymun Bendigaid

Dydd Sul 30 Awst
Trindod XIII
10.30am  Y Foreol Weddi a Phregeth
6.00pm  Y Cymun Bendigaid






 










 

Trindod X

​​​

Mathew 14. 22-33
Yna'n ddi-oed gwnaeth i'r disgyblion fynd i'r cwch a hwylio o'i flaen i'r ochr draw, tra byddai ef yn gollwng y tyrfaoedd. Wedi eu gollwng aeth i fyny'r mynydd o'r neilltu i weddïo, a phan aeth hi'n hwyr yr oedd yno ar ei ben ei hun. Yr oedd y cwch eisoes gryn bellter oddi wrth y tir, ac mewn helbul gan y tonnau, oherwydd yr oedd y gwynt yn ei erbyn. Rhwng tri a chwech o'r gloch y bore daeth ef atynt dan gerdded ar y môr. Pan welodd y disgyblion ef yn cerdded ar y môr, dychrynwyd hwy nes dweud, "Drychiolaeth yw", a gweiddi gan ofn. Ond ar unwaith siaradodd Iesu â hwy. "Codwch eich calon," meddai, "myfi yw; peidiwch ag ofni."
Atebodd Pedr ef, "Arglwydd, os tydi yw, gorchymyn i mi ddod atat ar y tonnau." Meddai Iesu, "Tyrd." Disgynnodd Pedr o'r cwch a cherddodd ar y tonnau, a daeth at Iesu. Ond pan welodd rym y gwynt brawychodd, ac wrth ddechrau suddo gwaeddodd, "Arglwydd, achub fi." Estynnodd Iesu ei law ar unwaith a gafael ynddo gan ddweud, "Ti o ychydig ffydd, pam y petrusaist?" Ac wedi iddynt ddringo i'r cwch, gostegodd y gwynt. Yna addolodd y rhai oedd yn y cwch ef, gan ddweud, "Yn wir, Mab Duw wyt ti."

Bydded dy glustiau trugarog, O Arglwydd,
yn agored i weddïau dy weision gostyngedig;
a gwna iddynt ofyn am y pethau hynny
sy’n dderbyniol i ti,
fel y bo iddynt gael eu gofynion;
trwy Iesu Grist ein Harglwydd,
sy’n fyw ac yn teyrnasu gyda thi,
yn undod yr Ysbryd Glân,
yn un Duw, yn awr ac am byth.  Amen. 

Ar fôr tymhestlog teithio'r wyf
I fyd sydd well i fyw,
Gan wenu ar ei stormydd oll -
Fy Nhad sydd wrth y llyw. 

Er cael fy nhaflu o don i don,
Nes ofni bron cael byw,
Dihangol ydwyf hyd yn hyn -
Fy Nhad sydd wrth y llyw. 

Ac os oes stormydd mwy yn ôl,
Ynghadw gan fy Nuw,
Wynebaf arnynt oll yn hy -
Fy Nhad sydd wrth y llyw. 
E. Evans (Ieuan Glan Geirionydd)